Fe wnaeth ein hadolygiad ystyried a yw’r wybodaeth am berfformiad a ddarperir ar gyfer uwch arweinwyr yn eu helpu i ddeall safbwynt defnyddwyr gwasanaethau a deilliannau gweithgareddau Cynghorau er mwyn iddynt allu rheoli eu perfformiad yn effeithiol.

Mewn nifer o ardaloedd, nid oes gan ddefnyddwyr gwasanaethau ddewis o reidrwydd pwy sy’n darparu’r gwasanaethau. Nid oes gan drigolion ddewis go iawn pwy sy’n casglu’r rhan fwyaf o’u gwastraff a deunyddiau i’w hailgylchu, er enghraifft. Felly, mae deall yr hyn y mae pobl yn ei feddwl o’r gwasanaeth, yn hytrach na buddiannau’r rhai sy’n darparu’r gwasanaethau, yn bwysig.  

Mae cynghorau’n darparu gwasanaethau ar gyfer y cyhoedd gan ddefnyddio arian cyhoeddus. Felly, mae hi’n hanfodol bod cynghorau’n deall effaith eu gweithgareddau a’u polisïau i wybod a ydynt yn defnyddio arian cyhoeddus yn ddoeth.

Rôl yr Archwilydd Cyffredinol yw penderfynu a yw cynghorau wedi sefydlu trefniadau i sicrhau gwerth am arian.