Mae’r Ddeddf honno yn ei gwneud yn ofynnol i mi:

• archwilio ac ardystio’r cyfrifon a gyflwynwyd i mi gan y Bwrdd Iechyd, a’u gosod gerbron y Senedd;
• bodloni fy hun bod gwariant ac incwm wedi eu cymhwyso at y dibenion a fwriadwyd ac yn unol ag awdurdodau; a
• bodloni fy hun bod y Bwrdd Iechyd wedi gwneud trefniadau priodol i sicrhau effeithlonrwydd, effeithiolrwydd a darbodusrwydd wrth ddefnyddio adnoddau.

Deuthum i’r casgliad bod cyfrifon y Bwrdd Iechyd wedi eu paratoi’n briodol a’u bod yn sylweddol gywir, ac ni nododd fy ngwaith unrhyw wendidau perthnasol yn rheolaethau mewnol y Bwrdd Iechyd (fel yr oeddent yn berthnasol i fy archwiliad).

Felly, rwyf wedi cyhoeddi barn ddiamod ar y broses o’u paratoi.