Mae’r Cyngor yn glir ynglŷn â’i ddull dim goddefgarwch lle mae twyll yn y cwestiwn. Mae cyfrifoldebau swyddogion i lywio a chyflawni gweithgareddau gwrth-dwyll wedi’u nodi’n glir. Rhaid i’r holl staff gwblhau hyfforddiant ymwybyddiaeth o dwyll. Fodd bynnag, ceir bylchau mewn trefniadau cyfredol. Mae’r rhain yn cynnwys diffyg asesiad cynhwysfawr o’r risg o dwyll a chynllun cyflawni gwrth-dwyll. Ceir cyfleoedd hefyd i’r Cyngor fynd ati ymhellach i gryfhau ei wiriadau cyn cyflogi, y modd y mae’n rhannu cudd wybodaeth a sut y rhoddir cyhoeddusrwydd i dwyll a ganfuwyd.