Ar y cyfan, canfuom fod y Cyngor yn gwneud cynnydd rhesymol o ran mynd i’r afael â’r argymhellion yn yr adroddiad ar reoli gwastraff a gyhoeddwyd gennym yn 2022, ond bod gwaith i’w wneud o hyd i fynd i’r afael yn llawn â hwy.
Mae’r Cyngor wrthi’n rhoi ei strategaeth ailgylchu ar waith ac mae gwaith yn mynd rhagddo i ddatblygu ei gynlluniau i wella ei wasanaeth gwastraff ac ailgylchu, ond nid yw perfformiad ailgylchu wedi cyrraedd targedau Llywodraeth Cymru gan greu'r risg o gael cosbau.