Ar y cyfan, canfuwyd gennym fod newidiadau i wasanaethau yn cynorthwyo gwelliannau i reolaeth galw am ofal brys a gofal mewn argyfwng, wedi’u seilio ar gynlluniau cadarn a throsolwg corfforaethol cryf. Fodd bynnag, mae gwasanaethau gofal brys a gofal mewn argyfwng yn dal i fod o dan bwysau sylweddol ac mae angen gweithredu parhaus i sicrhau bod capasiti presennol yn cael ei ddefnyddio ar gyfer yr effaith orau. Mae angen gweithredu pellach hefyd i sicrhau bod gan gleifion a staff well dealltwriaeth o’r amrywiaeth o wasanaethau sydd ar gael a sut i gael gafael arnynt. Byddai sicrhau gwelliannau pellach yn cael ei gynorthwyo gan gynnwys staff Ymddiriedolaeth Gwasanaethau Ambiwlans Cymru ym Mwrdd Cyflawni’r Chwe Nod a thrwy gasglu adborth staff a chleifion ar ba mor dda y mae gwasanaethau yn gweithio.