Mae Jill Davies yn rheolwr Prosiect gyda Rhaglen Cymunedau Arloesi'r Economi Gylchol (CEIC).  

Mae CEIC yn brosiect a ariennir yn llawn ac a arweinir gan ymarferwyr sy’n rhoi cyfleoedd i sefydliadau’r sector breifat a’r trydydd sector yn ninas-ranbarthau Prifddinas Caerdydd a Bae Abertawe. 

Mae'r prosiect yn rhedeg gweithdai misol dros gyfnod o 6 mis er mwyn cefnogi busnesau yng Nghymru wrth iddynt ddatblygu eu dealltwriaeth o’r economi gylchol a chynlluniau arloesi er mwyn cefnogi cynlluniau twf glân a chyfrannu at uchelgais Sero Net Llywodraeth Cymru. Bydd y rhaglen yn cynnwys rhwydwaith o unigolion sy’n rhannu yr un feddylfryd o bob rhan o’r ardal. Bydd sefydliadau sy’n cymryd rhan yn datblygu cynlluniau a allai fod yn gymwys er mwyn denu nawdd arloesi gan Lywodraeth Cymru. 

Gall busnesau gyflawni nifer o fuddion trwy fabwysiadu dull economi gylchol. Mae’r rhain yn cynnwys buddion cymdeithasol, amgylcheddol ac ariannol, ochr yn ochr â’i rwymedigaethau cyfreithiol i leihau ei ôl troed carbon. Hyd yma mae dros 200 o sefydliadau wedi cymryd rhan. 

Gallwch ddysgu mwy am ganlyniadau rhaglenni gweithdai CEIC drwy fynd i wefan CEIC. 

Economi Gylchol 

Mae cysyniad yr economi gylchol yn ceisio newid y ffordd y caiff deunyddiau eu trin: Symud o gylch llinol lle mae deunyddiau'n cael eu gwneud yn nwyddau sy'n cael eu defnyddio ac yn y pen draw yn cael eu taflu i un lle mae deunyddiau'n cael eu hailddefnyddio a'u haddasu at ddibenion gwahanol, a defnyddir llai o ddeunyddiau sydd newydd eu hechdynnu. 

Yn 2021, cyhoeddodd Llywodraeth Cymru ei strategaeth ar gyfer economi gylchol: ‘Mwy nag Ailgylchu – strategaeth i wneud economi gylchol Cymru yn realiti’ y gellir ei darllen drwy ddilyn y ddolen hon. 

Nod y strategaeth yw ysgogi arloesi o ran defnyddio deunyddiau, cynyddu’r gwaith o atal gwastraff ac ailddefnyddio, buddsoddi mewn seilwaith, hwyluso gweithredu cymunedol a busnes ac adeiladu ar record ailgylchu Cymru. 

Mae CEIC yn rhan bwysig o gyflawni'r nod hwn drwy ysgogi arloesi a chreu'r amodau lle y gall ddod i'r amlwg a ffynnu. 

Paned a Sgwrs 

Mae sesiynau Paned a Sgwrs yn cynnig sesiwn hamddenol ar-lein lle gall cyfranogwyr ddysgu am rywbeth diddorol gyda rhywun diddorol. Mae natur hamddenol y sesiynau yn cynnig cyfle ar gyfer sgwrs a dysgu manwl, yn ogystal â chyfle i gwrdd â phobl newydd.