Ar y cyfan, canfuom er bod llif cleifion yn agwedd allweddol ar gynlluniau ar draws partneriaid, fod niferoedd uchel o oediadau cyn rhyddhau cleifion yn parhau i effeithio’n negyddol ar wasanaethau gofal brys a gofal mewn argyfwng, gan gynnwys trosglwyddiadau ambiwlans ac amseroedd aros mewn adrannau achosion brys. Mae cymhlethdod cynyddol yn y galw, cyfyngiadau capasiti, a gwendidau yn y broses cynllunio i ryddhau cleifion i gyd yn rhwystrau allweddol i lif cleifion mwy effeithiol. Mae partneriaid yn deall yr angen i sbarduno gwelliannau, ond mae angen gweithredu’n fwy i sicrhau’r gwelliannau cynaliadwy y mae eu hangen.