Pan recodwyd y sesin yma, 'Roedd Robyn Lovelock yn Rheolwr Rhaglen yn Uchelgais Gogledd Cymru. Arweiniodd y gwaith o ddatblygu methodoleg sy’n ceisio sicrhau bod datblygiadau’n cael eu hadeiladu’n gynaliadwy, gan weithio mewn partneriaeth ag Arup. 

Mae Uchelgais Gogledd Cymru yn bartneriaeth rhwng chwe awdurdod lleol gogledd Cymru, Grŵp Llandrillo Menai, Coleg Cambria, Bangor a Phrifysgol Wrecsam. Daeth y sefydliadau at ei gilydd mewn partneriaeth i wneud cais am Gynllun Twf Gogledd Cymru a’i chyflwyno, sef pecyn buddsoddi â chyfanswm o £1bn yn economi gogledd Cymru dros 10-15 mlynedd. 

Y meysydd twf allweddol yw: 

• Bwyd-amaeth a thwristiaeth 

• Gweithgynhyrchu gwerth uchel 

• Cysylltedd digidol 

• Tir ac eiddo 

• Ynni carbon isel 

Y nod neu’r cynllun twf yw creu’r amodau ar gyfer economi carbon isel fywiog yng ngogledd Cymru. 

Mae Uchelgais Gogledd Cymru hefyd yn ymwybodol iawn o’r angen ar gyfer datblygu economaidd i hefyd fod yn amgylcheddol gynaliadwy yn wyneb yr argyfwng hinsawdd, a bod yn rhaid ystyried cost carbon y buddsoddiad yn yr economi.  

Nod y fethodoleg yw hwyluso adeiladu adeiladau a phrosiectau datblygu sy'n arwain at adeiladau sydd ag allyriadau carbon sero net pan fyddant yn weithredol, lleihau allyriadau carbon 40% yn ystod y gwaith adeiladu ac achosi cynnydd o 10% mewn bioamrywiaeth. 

Amcan y fethodoleg yw sicrhau bod atebion natur gadarnhaol a charbon isel yn rhan o'r dyluniad o'r camau cynharaf ac nad ydynt yn arwain at yr angen i ailgynllunio ac ôl-osod yn nes ymlaen. Mae hwn yn ganllaw cam wrth gam, gydag asesiadau cynyddol drylwyr ar bob cam o gynllun prosiect. 

Mae’r fethodoleg hefyd yn dilyn strwythur dull datblygu achos busnes Trysorlys Ei Fawrhydi, ac yn ategu dull gwerthuso economaidd y Llyfr Gwyrdd. 

Er bod y fethodoleg yn dal i fod ar ddechrau’r daith o ran cymhwyso, mae’n gam cadarnhaol ymlaen o ran gwneud allyriadau carbon, defnydd ynni ac effeithiau bioamrywiaeth yn ganolog i ddyluniad datblygiadau newydd. 

Paned a Sgwrs 

Mae sesiynau Paned a Sgwrs yn cynnig sesiwn hamddenol ar-lein lle gall cyfranogwyr ddysgu am rywbeth diddorol gyda rhywun diddorol. Mae natur hamddenol y sesiynau yn cynnig cyfle ar gyfer sgwrs a dysgu manwl, yn ogystal â chyfle i gwrdd â phobl newydd.