Wrth i’r byd symud yn ei flaen, gan ddysgu o’r pandemig byd-eang, fe wnaeth ein hadolygiad ystyried sut y mae cynghorau’n cryfhau eu gallu i drawsnewid, addasu a pharhau i ddarparu gwasanaethau, gan gynnwys y rhai a ddarperir mewn partneriaeth gyda rhanddeiliaid allweddol a chymunedau.

Yn ystod y pandemig, mae’r Cyngor wedi ymgysylltu â staff i gasglu eu barn ynglŷn â gweithio cyfunol, ond mae angen gwaith pellach er mwyn iddo ddeall ei anghenion o ran asedau a’r gweithlu yn y dyfodol ac i wneud yr egwyddor datblygu cynaliadwy’n ganolog i’w ystyriaethau.