Wrth i’r byd symud yn ei flaen, gan ddysgu o’r pandemig byd-eang, fe wnaeth ein hadolygiad ystyried sut y mae cynghorau’n cryfhau eu gallu i drawsnewid, addasu a pharhau i ddarparu gwasanaethau, gan gynnwys y rhai a ddarperir mewn partneriaeth gyda rhanddeiliaid allweddol a chymunedau.

Mae Strategaeth Drawsnewid y Cyngor yn blaenoriaethu Datblygu’r Gweithlu, ac mae’r Cyngor yn cynnal trosolwg dda ar ei heriau cyfredol o ran y gweithlu, ond mae’n cydnabod bod angen iddo gymhwyso’r egwyddor datblygu cynaliadwy i gryfhau’r modd y mae’n cynllunio’r gweithlu.