Mae’r Bwrdd Iechyd wedi gwella’n sylweddol y ffordd y mae’n cynllunio ac yn darparu gwasanaethau radioleg drwy arweinyddiaeth gref a defnyddio modelu galw a chapasiti i nodi a gweithredu atebion er mwyn ymateb i’r galw cynyddol a’r newidiadau i ddarpariaeth gwasanaethau a llwybrau cleifion. Wrth i wasanaethau ehangach ddechrau adfer bellach ar ôl y pandemig, mae gan y galw a ataliwyd o ganlyniad i oedi wrth gael triniaeth y potensial, serch hynny, i greu heriau i’r gwasanaethau radioleg.