Graddiodd o Brifysgol Loughborough ym 1988 ac yna astudiodd ar gyfer ei radd meistr mewn Peirianneg Trafnidiaeth ym Mhrifysgol Salford. Ymunodd ag ymgynghoriaeth beirianneg fawr yn y sector preifat lle bu'n gweithio ar astudiaethau dichonoldeb a dylunio ar gyfer prosiectau trafnidiaeth mawr gan gynnwys Metrolink Manceinion, Croesfan Mersi a chyfnewidfa Ewlo yng Ngogledd Cymru. 

Ar ôl cyfnod yng Nghyngor Sir Bedford, ymunodd ag Archwilio Dosbarth ym 1994 yng Nghaerdydd. Mae ganddo hefyd MBA o Brifysgol Bradford.

Mae ei yrfa hir mewn archwilio perfformiad wedi cynnwys amrywiaeth o rolau wrth weithio i sawl swyddfa archwilio. Mae uchafbwyntiau gyrfa yn cynnwys:

• ei dîm Archwilio Dosbarth yn ennill y Wobr Read am gyfraniad nodedig i archwilio allanol mewn llywodraeth leol a'r GIG;
• yn Swyddfa'r Archwilydd Cyffredinol yn Seland Newydd, ysgogodd ei waith ar fioddiogelwch atal y Senedd a dadl frys;
• ac yn y Swyddfa Archwilio Genedlaethol yn Llundain, bu'n ymwneud ag ysgogi'r adolygiad o brosiect Garden Bridge. 

Mae Tom hefyd wedi treulio amser ar secondiad gyda Swyddfa Archwilio Jersey ac ymunodd ag Archwilio Cymru yn 2015.

Ar hyn o bryd ef yw'r Cyfarwyddwr sy'n gyfrifol am dîm Archwilio Perfformiad y GIG, a'r tîm Datblygu a Chanllawiau Archwilio. 

Mae Tom yn byw dros y ffin yn Lloegr gyda'i wraig a'i bump o blant. Y tu allan i'r gwaith mae'n mwynhau darllen hanes milwrol, gwleidyddiaeth, economeg ac athroniaeth stoig. Mae'n frwdfrydig dros chwaraeon gyda diddordebau mewn pêl-droed, rygbi'r gynghrair, criced, badminton a bocsio, y rhan fwyaf ohonynt wedi chwarae ar un lefel neu'r llall. Mae'n cadw'n heini trwy redeg a hyfforddiant pwysau. Ei angerdd arall yw adfer ei Pontiac clasurol, ac mae ganddo gymwysterau diwydiant moduron mewn weldio, paentio a mecaneg.