Mae Archwilio Cymru yn awyddus i recriwtio Swyddog Pobl a’r Gyflogres profiadol i ymuno â'n Tîm Adnoddau Dynol dros dro yn ystod cyfnod o absenoldeb mamolaeth. 

 

Bydd y rôl hon yn darparu cymorth AD a Chyflogres weithrediadol a gweinyddol i staff ledled Archwilio Cymru. Byddwch yn sicrhau bod cofnodion gweithwyr a gweithgareddau’r gyflogres yn gywir, yn brydlon ac yn cydymffurfio â pholisi, gan gefnogi gyda cheisiadau am adroddiadau a data arferol yn ôl yr angen. Mae'r rôl hefyd yn cefnogi diweddariadau systemau AD a phrosesau cynnal a chadw, diogelwch a fetio, ac yn cyfrannu at wella gwasanaeth parhaus wrth weithio ar y cyd â chydweithwyr ledled Archwilio Cymru.

 

 

Archwilio Cymru yw'r corff archwilio annibynnol yn y sector cyhoeddus yng Nghymru. Mae gennym sefyllfa unigryw yn y sector cyhoeddus yng Nghymru, ein rôl yw:

 

 

Mae Archwilio Cymru yn lle deinamig a chyfeillgar i weithio, gyda diwylliant hynod gefnogol. Rydym yn angerddol am weithio gyda'r sector cyhoeddus yng Nghymru a gwneud gwahaniaeth i gymunedau lleol.

 

Rydyn ni'n Hyblyg – Rydyn ni'n Gweithio'n Ddoethach; darparu dewisiadau o ran sut, pryd a ble mae unigolion a thimau yn cyflawni eu gwaith – rydym yn ymddiried ynoch chi wrth wneud y dewis cywir i gyflawni'r dasg wrth law ac yn eich cefnogi yn eich amgylchiadau unigol, boed hynny'n gyfrifoldebau gofalu neu reoli anableddau.  Rydym hefyd yn croesawu amrywiaeth o batrymau gwaith, o amser llawn, rhan-amser a rhannu swyddi ar draws y sefydliad. 

 

Mae gennym Delerau Rhagorol - Rydym yn gofalu am ein pobl ac am ddarparu amgylchedd sy'n annog cydbwysedd rhwng gwaith a bywyd cadarnhaol trwy ein hwythnos waith 35 awr, a'n gwyliau blynyddol sef 33 diwrnod y flwyddyn (heb gynnwys gwyliau banc cyhoeddus), gallwch hefyd brynu, gwerthu a rhoi gwyliau yn y 'banc' i alluogi gwyliau estynedig. 

 

Rydym yn buddsoddi yn ein Pobl - Rydym yn eiriolwyr dros ddatblygiad personol a phroffesiynol ac yn buddsoddi yn ein pobl i gyflawni eu dyheadau gyrfa i fod y gorau y gallant fod. Rydym yn cynnig pecyn hyfforddi hael sy'n cael ei ategu gan ddull cyfunol o ddysgu strwythuredig ac anstrwythuredig. Mae ein cynllun mentora a hyfforddi llwyddiannus i'n trwyddedau LinkedIn Learning yn rhoi cyfle i staff ddysgu ar adegau ac mewn ffyrdd sy'n addas iddynt.

 

Mae gennym Fuddion Rhagorol - Ochr yn ochr â'n pecyn cyflog hael, rydym yn cynnig cyfle i bob gweithiwr ymuno â Chynllun Pensiwn y Gwasanaeth Sifil sy'n cael ei ystyried fel un o'r cyfraddau cyfraniadau cyflogwr gorau. Hefyd, mae ein manteision staff yn cynnwys oriau cywasgedig, lle gallwch gywasgu hyd at 10% o'ch oriau gwaith dros gyfnod o bythefnos, fel arfer mae hyn yn golygu gweithio 9 diwrnod mewn 10, mae gennym hefyd gynllun beicio i'r gwaith ardderchog, gostyngiadau siopa a'r opsiwn i gael cerbyd trwy ein cynllun prydles buddiol ymhlith llawer mwy. 

 

Rydym yn Falch o fod wedi ein Hachredu – Mae ein buddion a'n diwylliant rhagorol sy'n gyfeillgar i deuluoedd yn golygu ein bod yn falch o fod yn un o’r deg cyflogwr gorau ar gyfer teuluoedd sy'n gweithio ac wedi bod yn y deg gorau am y 3 blynedd diwethaf, rydym hefyd wedi cyflawni achrediad Cyflog Byw ac yn cydnabod anableddau cudd ymhlith ein gweithlu a gyda'r rhai yr ydym yn gweithio ochr yn ochr â nhw.

 

Rydym yn tyfu gweithlu amrywiol sy'n gynrychioliadol o'r cymunedau rydyn ni'n gweithio ynddynt a'r sgiliau, profiadau a safbwyntiau maen nhw'n eu cynnig ac yn croesawu ceisiadau gan bobl o bob cefndir. Rydym hefyd yn aelod o'r Cynllun Hyder Anabledd ac yn gwarantu cyfweliad i'r holl ymgeiswyr anabl sy'n bodloni'r meini prawf hanfodol ar gyfer y rôl.

 

 

Mae'r tîm AD wrth wraidd y sefydliad ac yn gwneud gwahaniaeth gwirioneddol i brofiad pobl yn y gwaith. Mae'r tîm yn gydweithredol, cefnogol ac ymarferol, gan gydbwyso anghenion gweithwyr a'r busnes wrth ymdrin â materion sensitif gyda gofal a phroffesiynoldeb. Nid oes unrhyw ddau ddiwrnod yr un fath, a bydd eich rôl yn darparu ymdeimlad cryf o bwrpas wrth helpu cydweithwyr i deimlo eu bod yn cael eu cefnogi, eu gwerthfawrogi a’u bod yn wybodus trwy gydol eu cyflogaeth.

 

 

Os oes gennych ddiddordeb mewn gwneud cais am y rôl hon, byddwch yn ymwybodol y bydd eich cais yn cael ei sgrinio i benderfynu ar addasrwydd i symud ymlaen i gyfweliad ac asesu.

 

Bydd y camau sgrinio a'r cyfweliad a'r asesiad dilynol yn adolygu'r meini prawf hyn.

 

Gwnewch yn siŵr eich bod yn bodloni'r holl feini prawf a nodwyd fel hanfodol a'u ticio ar y daflen sifftio i gefnogi'ch cais i symud ymlaen i gyfweliad.

 

 

Gallwch ddarganfod mwy am y cyfrifoldebau, y sgiliau a'r profiad sydd eu hangen ar gyfer y rôl yn y disgrifiad swydd . Am drafodaeth anffurfiol am y cyfle cyffrous hwn, cysylltwch â Sabrina Smith, Arbenigwr Cyflogres a Systemau AD ar 029 2032 0500. 

 

Y dyddiad cau ar gyfer ceisiadau yw hanner nos ar 31 Mai 2026. 

 

Bydd yr holl asesiadau a chyfweliadau yn cael eu cynnal yn 1, Cwr y Ddinas, Stryd Tyndall, Caerdydd, CF10 4BZ neu fel arall, efallai y byddwn yn darparu cyfweliad rhithwir trwy Microsoft Teams. Cynhelir cyfweliadau ddydd Mawrth 9 Mehefin 2026.

 

Wrth wneud cais ar-lein, cofiwch wasgu'r botwm parhau ar ôl cyflwyno'ch cais – unwaith y byddwch wedi gwneud hyn byddwch yn derbyn cydnabyddiaeth i gadarnhau bod eich cais wedi'i gyflwyno. Os na fyddwch yn derbyn cydnabyddiaeth, cysylltwch â'n Tîm Adnoddau Dynol ar unwaith ar 02920 320500 neu drwy AdnoddauDynol.Cyflogres@archwilio.cymru

 

Rydym yn croesawu ceisiadau yn Gymraeg; ni fydd cais a gyflwynir yn Gymraeg yn cael ei drin yn llai ffafriol na chais a gyflwynir yn Saesneg.

 

Sylwch hefyd, nid ydym yn gallu noddi fisâu gwaith.